«Halyk Finance» АҚ қолма-қол шетел валютасын айырбастау операцияларын қоспағанда, шетел валютасын айырбастау операцияларын жүзеге асыруға құқық беретін 2021 жылғы 31 желтоқсандағы №4.3.15 банк операцияларын жүргізуге лицензия алғаны туралы хабарлайды. Лицензия Қазақстан Республикасы Қаржы нарығын реттеу және дамыту агенттігінің Төрағасы орынбасарының 2021 жылғы 30 желтоқсандағы № 427 бұйрығына сәйкес берілді.
Бұл лицензия Halyk Finance компаниясына клиенттерге,оның ішінде Halyk Invest мобильді қосымшасы және Halyk Trade Pro сауда платформасы арқылы көрсетілетін қызметтер аясын кеңейтуге мүмкіндік береді. Қазіргі уақытта компания қосымшада валюталарды тікелей айырбастауға мүмкіндік беретін, сондай-ақ бағалы қағаздар нарығындағы операциялар үшін қаражатты айырбастау процесін жеңілдететін технологиялық шешімдермен жұмыс істеуде.
Бүгінгі таңда Halyk Invest қосымшасын Halyk Finance 50 000-нан астам жеке клиенттері пайдаланады. 2021 жылдың қорытындысы бойынша жеке тұлғалардың бағалы қағаздардың Орталық депозитарийіндегі сауда шоттарының жартысынан астамын Halyk Finance клиенттері ашты.
