Global Finance басысы тағы да Қазақстанның үздік инвестициялық банкісі ретінде «Halyk Finance» АҚ-ны мойындады

Global Finance атты беделді халықаралық басылымның мамандары 2026 жылдың үздік инвестициялық банк сыйлығының (Best Investment Bank Awards) жылдық нәтижелерін жариялады. Ұсынылған кандидаттардың терең талдауының нәтижесінде басылым Halyk Finance-ты Қазақстандағы үздік инвестициялық банк (Best Investment Bank in Kazakhstan 2026) деп таныды. 

Алынған марапат Halyk Finance-тың Қазақстанның инвестициялық-банк қызметтері нарығындағы жетекші рөлін және 2025 жылы компания жеткен нәтижелердің тағы бір дәлелі болды. Басылым атап өткендей, Halyk Finance 56 мәміледен тұратын 2,3 трлн теңгеден аса облигацияларды орналастыру нарығындағы жетекші орынды иеленсе, қазақстандық эмитенттердің еурооблигацияларының андеррайтингі сегментінде 50% үлеспен басымдығын сақтауда. Сонымен қатар, марапаттау кезінде Halyk Finance-тың Қазақстандық компаниялардың акцияларының екінші реттік орналастыруындағы (SPO Halyk) тарихтағы ең ірі мәміледегі бірлескен глобалдық координатор және букраннер ретіндегі рөлі атап өтілді. 

Марапаттау рәсімі 2026 жылдың 21 сәуірінде Лондонда өтті. Global Finance сыйлығын Halyk Finance Директорлар кеңесінің төрағасының орынбасары Роман Асильбеков алды. 

Алдыңғы уақытта Halyk Finance EMEA Finance, Қазақстан биржасы (KASE) және AIX (МФЦА) биржасының халықаралық басылымдарының марапаттарын алған болатын. EMEA Finance Halyk Finance-ты «Қазақстандағы үздік инвестициялық банк», «Қазақстандағы үздік брокер» және «Қарыз капиталы нарығындағы үздік инвестициялық банк» номинациялары бойынша жеңімпаз деп таныды. KASE компанияны акция нарығындағы жылдың андеррайтеры, корпоративтік облигациялар нарығындағы жылдың андеррайтеры және үздік қаржылық кеңесші ретінде марапаттаса, AIX Halyk Finance-ты құнды қағаздар нарығындағы үздік брокер деп атап өтті. 
***
«Halyk Finance» ЖШҚ – құнды қағаздар нарығындағы брокерлік қызмет, активтерді басқару және инвестициялық банкинг сегменттерінде жетекші орындарды иеленетін Halyk банкінің еншілес ұйымы. Компания толық инвестициялық-банк қызметтерін көрсетеді, оның ішінде қаржылық консалтинг пен андеррайтинг, корпоративтік қаржыландыру қызметтері, брокерлік қызметтер мен құнды қағаздар саудасы, KASE және AIX сауда алаңдарындағы маркет-мейкерлік қызметтер, инвестициялық портфельді басқару, сонымен қатар тұрақты аналитикалық қызметтерді ұсынады. 

«Global Finance» – тиражы 50 000 данадан аса және 192 елде оқырмандары бар халықаралық қаржылық басылым.